Sweldo ng government employees, babawasan raw ng gobyerno para sa mga biktima ng lindol sa Turkey at Syria?

• Walang katotohanan ang isang kumalat na government ‘memo’ hinggil sa “two-days salary deduction” ng mga kawani ng gobyerno.

• Ang pekeng memo mula sa opisina ng Executive Secretary ay naglalayon umanong bumuo ng relief fund para sa mga biktima ng lindol sa Turkey at Syria.

• Sabi ng Palasyo, kasalukuyang iniimbestigahan ang pagpapakalat ng naturang dokumento.

(1-min. read) Pinabulaanan ng Malacañang ang isang dokumento na nagpapanggap na isang memo mula sa opisina ng Executive Secretary. Ayon sa ‘memo’, magkakaroon umano ng two-day salary deduction ang mga empleyado ng gobyerno para mapundar ang sinasabi nitong “President Relief Fund for Turkey and Syria”.

Ang pekeng memo, na makikitang may pekeng lagda ni Executive Secretary Lucas Bersamin, ay naglalayong makapagbuo ng isang relief fund para sa mga biktima ng magnitude 7.8 na lindol sa border ng Turkey at Syria noong February 6. Saad nito, magkakaroon raw ng two-day salary deduction ang mga kawani ng gobyerno, mga opisyal ng civil at armed forces, at iba pa.

Ayon sa Official Gazette of the Republic of the Philippines, ang pahayagan ng gobyerno, walang anumang memorandum na inilabas ang opisina ng pangulo o ng executive secretary tungkol dito. Nagbabala rin ang Palasyo sa mga empleyado at opisyal ng gobyerno na maging mapagmatyag laban sa ‘deceptive information’. Bukod dito, makikipag-coordinate raw ang opisina ng executive secretary sa mga awtoridad upang maimbestigahan ang pagkalat ng nasabing memo, ayon kay Presidential Communications Office Secretary Cheloy Garafil.

SOURCES:

[1] https://ptvnews.ph/palace-refutes-memo-ordering-two-day-pay-cut-for-govt-workers-to-raise-relief-funds-for-turkey-and-syria/ 

[2] https://www.gmanetwork.com/news/topstories/nation/861334/palace-assails-salary-deduction-memo-to-raise-fund-for-turkey/story/ 

[3] https://www.philstar.com/headlines/2023/02/20/2246231/palace-memo-salary-cuts-turkey-aid-fake 

[4] https://www.reuters.com/world/middle-east/major-earthquake-strikes-turkey-syria-about-200-dead-many-trapped-2023-02-06/ 

[5] https://www.facebook.com/govph/posts/502419332051049 

[6] https://news.abs-cbn.com/news/02/19/23/palace-memo-on-salary-deduction-for-turkey-aid-is-fake