Gaano kahanda ang Pilipinas sakaling tumama ang “The Big One?”

Gaano kahanda ang Pilipinas sakaling tumama ang “The Big One” earthquake sa bansa?

Muling lumutang ang ukol sa Senate Resolution No. 67 na inihain noon ni Sen. Ramon Bong Revilla, Jr. na para aniya sa paghahanda sakaling may tumamang kalamidad sa bansa, kasunod ng pagtama ng magnitude 6.8 earthquake sa Turkey at Syria, kung saan marami ang nasawi. 

Ito ay naglalayong mahimok ang national at local government units (LGUs) na magsagawa ng agarang pag-audit at pagrepaso sa mga kasalukuyang gusali at istruktura sa ilalim ng kani-kanilang jurisdiction.

Kamakailan lamang, ginisa ni Sen. Revilla ang Department of Public Works and Highways (DPWH) na nahuling hindi handa sa pagsumite ng status ng infrastrucure audit. Bukod kay Sen. Revilla, kasama rin sina Sen. Tulfo, Dela Rosa, Tolentino, at Pimentel sa nasabing hearing. 

Napag-usapan rin ang ukol sa National Building Code na nasa 50 taon na ang tanda at maaaring hindi na akma sa kasalukyang panahon.

Ayon sa scientists, ang pagkasira ng mga imprastraktura sa Turkey ay pangunahing sanhi ng mababang kalidad ng konstruksyon. 

DPWH, kwinestyon

Kinwestyon ang aksyon ng DPWH at mga building officials ng LGUs sa mga imprastrakturang napatunayang hindi sumusunod sa standard ng National Building Code of the Philippines.  

Binalaan din ang ahensya dahil sangkot sila sa paggamit ng mga substandard na materyales sa ilang mga proyektong pang-imprastraktura sa Baguio City na nagresulta sa mga kaso laban sa kanila.