FALSE: Nakalibing nga ba sa Libingan ng mga Bayani sina Cory, Ninoy, at Noynoy Aquino?

• Ang mga Aquino ay nakalibing sa Manila Memorial Park - Sucat, hindi sa Libingan ng mga Bayani.

• Doon nakahimlay ang tatlo sapagkat doon unang inilibing si Ninoy matapos itong paslangin noong 1983.

• Qualified ilibing sina at Cory at Noynoy sa Libingan ng mga Bayani dahil sila ay dating mga pangulo ng bansa.
  
  

(1.5-min. read) - Ayon sa post ng isang Facebook user na masugid na tagasuporta ng Marcos-Duterte tandem, nais daw nilang magsimula ng petition na tanggalin sa Libingan ng mga Bayani (Heroes’ Cemetery) sina dating presidente Cory at Noynoy Aquino at dating senador Ninoy Aquino upang linisin ang imahe ng Pilipinas. 

Ngunit ang claim na sina Cory, Ninoy, at Noynoy Aquino ay kasalukuyang nakalibing sa Libingan ng mga Bayani sa Fort Bonifacio ay walang katotohanan sapagkat sa Manila Memorial Park tunay na nakalibing ang mga ito.

Aquino Mausoleum sa Manila Memorial Park

Ang tatlong Aquino ay nakalibing sa Manila Memorial Park (MMP) sa Sucat, Parañaque sa isang family mausoleum.

Matatandaang si Ninoy Aquino ay inilibing sa naturang burial site noong 1983 matapos itong ma-assassinate sa Manila International Airport (NAIA ngayon). Sumunod na inilibing ang kaniyang asawa na si Cory noong 2009 at ang kanilang anak na si Noynoy matapos pumanaw sa renal disease nitong nakaraang taon lamang.

Bilang mga nagsilbing presidente ng Pilipinas, sina Cory at Noynoy ay parehong qualified na ilibing sa Libingan ng mga Bayani. Ito ay ayon sa guidelines ng Armed Forces of the Philippines na siyang nagre-regulate sa property na ito.

Bukod sa tatlong Aquino, nakalibing din sa MMP ang ilang mga kilala at mahahalagang personalidad tulad nina dating DENR secretary Gina Lopez, mga negosyanteng sina John Gokongwei, Jr. at Eugenio Lopez, Jr. ng ABS-CBN, at maging ang mga artistang sina Anita Linda, Paquito Diaz, at Rico Yan.

SOURCES

[1] https://newsinfo.inquirer.net/1451484/former-president-noynoy-aquino-laid-to-rest-beside-ninoy-cory

[2] https://www.facebook.com/abscbnNEWS/posts/10159585738505168 

[3] https://www.gmanetwork.com/entertainment/celebritylife/news/14103/in-photos-filipino-celebrities-and-personalities-who-were-buried-at-manila-memorial-park-sucat/photo 

[4] https://www.nytimes.com/1983/09/01/world/a-million-filipinos-line-the-aquino-funeral-route.html 

[5] https://www.rappler.com/nation/aquino-family-statement-noynoy-aquino-cause-of-death/ 

[6] https://www.nytimes.com/2009/08/01/world/asia/01aquino.html 

[7] https://www.rappler.com/nation/134509-heroes-cemetery-guidelines-afp/