FALSE: Ayon sa BSP, laman ng GCash, mawawalan daw ng halaga kapag tinupi ang phone na meron nito?

• Ayon sa isang viral post, sinabi daw ng BSP na mawawalan ng halaga ang laman ng GCash kapag tinupi mo ang smartphone na mayroon nito. 

• Walang mahahanap o makikita na pahayag mula sa BSP na ayon sa claim

• Ang post ay satire lamang, at wala itong katotohanan.

(2 min. read) — Sa isang viral post ng isang satire page, ayon daw sa Bangko Sentral ng Pilipinas, mawawalan umano ng value ang laman ng iyong GCash kapag sinubukan mong tupiin ang iyong smartphone. Ito’y walang basehan, at walang makikita o mahahanap na pahayag galing sa BSP tungkol sa claim. Bagama’t may mga smartphones na maaaring tupiin katulad ng Samsung Galaxy Z Flip, kung mayroon itong GCash at tinupi mo ito, hindi mawawalan ng halaga ang laman nito.

Ano nga ba ang satire?

Ayon sa Merriam-Webster dictionary, ang satire ay isang paraan ng paggamit ng humor o katatawanan para maipakita ang kahinaan ng isang tao, gobyerno, lipunan, at iba pa. (Assortedge, 2016). Kaya kung susumahin, hindi dapat tinatangkilik bilang balita ang ganitong uri ng mga post, at hindi dapat tignan bilang pagkukunan ng credible o makatotohanan na impormasyon. Ugaliing manaliksik upang hindi mabitag sa ganitong uri ng mga post. 

Kung maaalala, makikita natin na ang layon ng post ay ihalintulad sa isa pang nag-viral na post sa social media kung saan ay hindi umano tinatanggap ang mga polymer bills na may tupi na in-issue ng Bangko Sentral ng Pilipinas.
Para sa karagdagang impormasyon, basahin ang aming naunang PakChek hinggil dito: FALSE: Bagong P1,000 polymer bill, hindi tinatanggap sa SM Supermalls kapag may tupi?

Pahayag ng BSP

Sa isang press release na inilabas ng Bangko Sentral ng Pilipinas, pinayuhan nito ang mga retailers at mga bangko na tanggapin ang mga may tuping banknotes, mapa-polymer man ito o papel. Iginiit rin ng BSP na maaari pa ring gamitin ang mga ito sa ating pang-araw-araw na mga transaksyon.

Ano ang sinasabi ng batas?

Ayon sa Presidential Decree 247, ipinagbabawal ang pagsira, pagpunit, o bahagyang pagsunog  sa ating pera sa anumang paraan dahil ginagawa itong hindi karapat-dapat para sa sirkulasyon na nagpapaikli rin sa buhay nito.

Paano nga ba gumagana ang GCash?

Ang GCash ay isang mobile wallet na maaaring i-install sa ating mga smartphone at maaaring gamitin sa pagbabayad ng bills, ipangbili, at magpadala at tumanggap ng pera nasaan ka man sa bansa.

Dahil isa itong application na nasa software ng iyong smartphone, tupiin mo man o masira ito, mananatiling intact ang iyong pera sa GCash.

Ngunit isang paalala, ‘wag nating subukang tupiin ang ating smartphones kung ito ay hindi foldable. 

SOURCES

[1] https://www.facebook.com/PhDailySun/posts/162384689680155/
[2]https://newsinfo.inquirer.net/1626086/social-media-post-on-rejected-p1000-polymer-banknote-goes-viral
[3] https://www.bsp.gov.ph/SitePages/MediaAndResearch/MediaDisp.aspx?ItemId=6362
[4] https://www.facebook.com/smsupermalls/posts/5333847079994813
[5] https://www.facebook.com/assortedge/posts/904867902972805
[6] https://www.officialgazette.gov.ph/1973/07/18/presidential-decree-no-247-s-1973/
[7] https://www.globe.com.ph/go/technology/article/gcash-everything-you-need-to-know.html#gref