ACCURATE: Pamilyang Marcos, nagpa-party raw para sa 93rd birthday ni Imelda sa Malacanang Palace?

Bagamat walang opisyal na pahayag ang Palasyo tungkol sa 93rd birthday celebration ni Imelda na ayon kay Sen. Imee Marcos ay isang ‘simpleng merienda’ lamang. Subalit, maraming posts ang kumalat online na nagpapakita ng tila ay isang “magarbong” selebrasyon base sa mga larawang galing mismo sa mga lumahok sa pagdiriwang at mga news organizations. Noong July 2, nagdiwang ang pamilyang Marcos at mga bisita ng kaarawan ni former first lady Imelda Marcos. Ito ay ginanap sa Malacanang Palace.

Ayon kay Imee Marcos, simpleng merienda lamang ang naging handa sa kaarawan ng kanyang nanay na si Imelda. Ayon dito: “Nag-merienda lang. Syempre yung nanay ko 93 na, ang tanda na. Kapag sinabing party, parang yugyugan. Hindi ganon kasi they’re also ancient. Yes, we had a get-together, very simple merienda with a small group of old friends and scholars…” 

Ngunit base sa mga kumakalat na mga litrato ng selebrasyon na naibalita ng mga verified news sites, may mga netizens naman na nagsaad ng kanilang mga saloobin na hindi tunay na ‘simpleng merienda’ lamang ang naging birthday ni Imelda. Mayroon ding mga kumakalat na imahe ng magarbong menu sa selebrasyon at video ng mga party goers na sumasayaw at nakasuot ng mga magarang damit. 

Sa kabila ng mga pambabatikos mula sa netizens, isinaad ng Office of the Press Secretary (OPS) na “We will only be releasing statements on issues where public interest/welfare is involved.” Ayon din kay Press Secretary Trixie Cruz-Angeles, ang mga selebrasyon sa Malacanang ay hindi gumagamit ng government funds.

Malacanang parties ni Bongbong Marcos

Hindi ito ang unang beses ng paglitaw ng kritisismo hinggil sa mga selebrasyon sa Malacanang. Noong inauguration ni Pres. Bongbong Marcos, nagkaroon ng isang dinner celebration kung saan isang espesyal na gold medallion na naging usapan rin sa social media. Ayon sa isang kolumnista, ang pagbibigay ng isang inaugural na medalyang ito ay parte na ng ating kasaysayan at naging tradisyon para ipagdiwang ang tagumpay ng isang panalo sa eleksyon. 

Malacanang parties ni Ferdinand Marcos

Ang pamilyang Marcos naman ay hindi estranghero sa mga magarbong selebrasyon. Halimbawa, noong 1986, mayroong nilabas na mga home videos na nagpapakita ng mga iba’t-ibang okasyon kung saan nagdiriwang ang mga Marcos kasama ang kanilang mga kaibigan at mga bisita. Dito pinapakita ang kanilang maluhong pamumuhay kung saan maraming Pilipino na nakakita nito ay nabigla at hindi makapaniwala. 

Marahil makikita na mukhang walang nag-iba sa kasalukuyang panahon sa nakaraan ng magarbong pamumuhay ng mga Marcos kahit man sa kabila nito ay patuloy na tumataas ang presyo ng bilihin at pamumuhay ng isang ordinaryong Pilipino.

SOURCES
[1] https://www.youtube.com/watch?v=Sd0jkSh5EWE 
[2] https://www.facebook.com/PhilippineSTAR/posts/2767490690071261 
[3] https://philstarlife.com/news-and-views/757547-look-inside-imelda-marcos-93rd-birthday-malacanang-palace?page=2 
[4] https://news.tv5.com.ph/breaking/read/happy-93th-imee-slammed-for-simple-merienda-quip-on-imeldas-birthday-bash-at-malacanang 
[5] https://businessmirror.com.ph/2022/07/03/palace-mum-on-details-of-imeldas-93rd-birthday-bash-at-palace/ 
[6] https://news.abs-cbn.com/news/07/04/22/marcos-to-adhere-to-the-law-when-throwing-parties-in-malacaang-aide
[7] https://interaksyon.philstar.com/hobbies-interests/2022/07/05/221339/bongbong-marcos-inaugural-medal-tradition-history-explainer/ 
[8] https://www.washingtonpost.com/archive/lifestyle/1986/03/12/the-marcos-life-on-tape/fa263119-6cc1-4de9-b1b4-6374acf47767/ 
[9] https://www.latimes.com/archives/la-xpm-1986-03-11-mn-3131-story.html 
[10] https://business.inquirer.net/352186/inflation-for-june-2022-hits-three-year-high-6-1-percent-psa